Ukuphoxeka kuSkolopad ngenxa yokukhalaza kwabaphathi ngobunqunu bakhe

2017-06-29 18:00

Johannesburg - Kungenzeka angabanokali emcimbini iDurban July uSkolopad ngenxa yezinkinga emsebenzini.

Le ntokazi esebenza njengomhlengikazi isithole ukugxekwa ngabaphathi bayo ngenxa yokuhamba kwayo "nqunu".

Ekhuluma nabe-TshisaLIVE‚ umphathi kaSkolopad, uTebogo Mofokeng, uthi lolu daba bazoluxazulula ngaphakathi emsebenzini.

"Lolu wudaba lwasemsebenzini futhi sizoluxazulula ngaphakathi emsebenzini. Ngizobuyela kini ngoMsombuluko uma sekukhona okuphathekayo esingakusho," kusho yena.

OLUNYE UDABA:USkolopad uthembise ivanga nesinqe kuma-SAMA23

Uthi uyibonile imibhalo yale ntokazi ezinkundleni zokuxhumana kodwa ukholwa wukuthi ibiqhutshwa yinhliziyo ebuhlungu.

"Lokhu akubhale kuTwitter kungenxa yenhliziyo ebuhlungu kuphela," kuqhubeka uMofokeng.

USkolopad uthathele ezinkundleni zokuxhumana ebalisa ngokuthi uMatron wakhe akaluqondisisi kahle udumo lwakhe futhi uzama ukubhidliza izinhlelo zakhe zokuyongcebeleka eThekwini.


- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 11-14°C Mostly sunny. Cool. Pta: 15-28°C Showery. Morning clouds. Pleasantly warm.
Jhb: 12-22°C Showers early. Morning clouds. Mild. Bloem: 4-17°C Sunny. Refreshingly cool.
Dbn: 14-18°C Showery. More clouds than sun. Cool. PE: 12-18°C More sun than clouds. Mild.
Isibikezelo sezulu sezinsuku ezingu-7...