UBlack Coffee uthenge indawo yokujuxuza ethandwa kakhulu kuleli

2017-06-20 19:32

Soweto – UDJ ohlonishwa kakhulu emhlabeni wonke jikelele uBlack Coffee usethenge indawo yokujuxuza ethandwa kakhulu eSoweto, kubika iSunday Sun.

UBlack Coffee obuye abe ngumnikazi wenkampani eqopha umculo iSoulistic Music uthenge iZone 6 Venue.

IZone 6 ingenye yezindawo ezidume kakhulu futhi nethandwa kakhulu ngokuphatha imicimbi ehamba phambili kuleli.

U-Amaru Da Costa ongumphathi kaBlack Coffee uthe: “ Sijabule kakhulu ngokuthola lendwa kodwa okusithokozisa kakhulu wukuthi sisazoqhubeka nokwenza umsebenzi oncomekayo kule mboni nokuyisona sizathu esenza sathatha isinqumo sokutshala imali kule ndawo.

OLUNYE UDABA:U-DJ Black Coffee ushiye angalazi ngama-Metro FM Awards

UDa Costa uthe zincane izinguquko ezizokwenziwa mayelana nokuphathwa komsebenzi kodwa okunye kuzoqhubeka njengokujwayelekile.

Le ndawo isihlele imicimbi yabaculi abafana no-AKA, Black Motion, Cassper Nyovest, KO, Kwesta, Shimza futhi yaphatha nemicimbi efana ne-Sprite Uncontainable kanye namakhonsathi ahlelwa yiMTV Base. 

- Sunday Sun

Isimo sezulu
Emigwaqweni
iLotto
Cpt: 18-24°C Sunny. Mild. Pta: 19-26°C Heavy rain. More clouds than sun. Warm.
Jhb: 17-24°C Numerous showers. More clouds than sun. Mild. Bloem: 16-30°C Sunny. Pleasantly warm.
Dbn: 23-28°C a few tstorms. More clouds than sun. Warm. PE: 20-23°C Showers early. Morning clouds. Mild.
Isibikezelo sezulu sezinsuku ezingu-7...