U-Ayanda Ncwane uthi wayenephupho lokuba nguMiss SA

2017-05-02 14:01

Johannesburg - Unkosikazi wesihlabani somculo wowokholo esingasekho emhlabeni uSifiso Ncwane, u-Ayanda Ncwane, uthi wayefuna ukuba ngunobuhle futhi enephupho lokuba nguMiss South Africa.

"Nganginephupho lokuba nguMiss South Africa ngemuva kokudlula emhlabeni kukababa wami," kusho u-Ayanda engxoxweni ayenayo ohlelweni luka-Anele Mdoda, iReal Talk with Anele kamuva nje.

U-Ayanda uthe iphupho lafika ngemuva kwesikhashana kushone ubaba wakhe, umndeni ungasakwazi ukuba ubaqhubeze esikoleni.

OLUNYE UDABA: Wayelokhu encoma ubuhle bami uSfiso ngosuku lokugcina – Ayanda Ncwane

"Ngangibona ukuthi ukuwina kuMiss South Africa kukunikeza amathuba amaningi, amantombazane ayewina imali kanti ngangibona ukuthi leyo mali ngingakwazi ukuyisebenzisa ukuqhuba izifundo zami," elandisa.

U-Ayanda wabe esengenela uMiss Durban kanye neminye imincintiswano yonobuhle kodwa akazange esaqhubeka nayo. Nakuba engazange aqhubeke nokungenela eyonobuhle, uthi ukuba ngunobuhle kwaqinisekisa into ugogo wakhe ayehlezi eyisho ngendlela abukeka ngayo.

"Ukubukeka kahle enye yezinto engakhula ngifundiswa yona. Ngiyazi abanye abantu babuka indlela obukeka ngayo uma uzazisa bese bekwehlulela ngayo," esho.

U-Ayanda uthi uyaqhubeka nokufundisa labo ahlezi enabo ngokubaluleka kokubukeka kahle.

U-Ayanda wafinyelela kuMiss SA teen ngo-2002 wafika eGoli ngalowo nyaka kodwa waphonsa ithawula kweyonobuhle ngemuva kokungadluleli phambili.

 - Iphephabhuku iDrum

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 13-19°C Sunny. Mild. Pta: 17-27°C Showers early. Morning clouds. Warm.
Jhb: 14-23°C Rain early. Morning clouds. Mild. Bloem: 13-27°C Showers late. High level clouds. Warm.
Dbn: 17-25°C Morning clouds. Mild. PE: 14-22°C Morning clouds. Mild.
Isibikezelo sezulu sezinsuku ezingu-7...