Siyelulama esibhedlela isihlabani somculi

2017-06-04 16:53

Johannesburg - Inkakha yomculo nephinde ibengumdidiyeli, uRobbie Malinga, ushiye abalandeli bakhe bethukile ngeledlule.

Bebenokwesaba abalandeli kulandela ukuphuma kwezindaba ezithi lesi sihlabani singeniswe esibhedlela esizimele eGoli.

URobbie ubelokhu ehla enyuka eNingizimu Afrika, kanye nesihlabani sama-Idols uMusa, nokwenze sangabanaso isikhathi sokuphumala.

ISunday Sun ithole ukuthi odokotela bathole ukuthi uRobbie une-anaemia, nokusho ukuthi igazi lakhe lishodelwa yi-iron.

OLUNYE UDABA: Sekuseduze ziwushaye kowoKhozi FM

URobbie akatholakalanga ukuba aphawule, kodwa isitebele sakhe siziqinisekisile izindaba zokuthi usesibhedlela.

Okhulumela i-Universal Music uDharam Sewraj uthe, “Ngingakuqinisekisa ukuthi uRobbie usesibhedlela futhi welulama kahle. 

“Ungeniswe esibhedlela ngoLwesine, kanti uzophuma maduzane. Odokotela basiqaphile isimo sakhe. Abalandeli bakhe abangatatazeli.”

- Sunday Sun

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 20-24°C Mostly sunny. Mild. Pta: 17-33°C High level clouds. Pleasantly warm.
Jhb: 16-30°C High level clouds. Pleasantly warm. Bloem: 17-30°C Showers late. Morning clouds. Pleasantly warm.
Dbn: 20-31°C a mixture of sun and clouds. Warm. PE: 20-26°C Morning clouds. Mild.
Isibikezelo sezulu sezinsuku ezingu-7...