Sekuphinde kwedlula emhlabeni esinye isihlabani embonini yezokulingisa

2018-01-25 09:31

Cape Town – Imboni yezokulingisa eNingizimu Afrika isiphinde yagqemeka engeqiwa ntwala njengoba sekudlule emhlabeni uSandy Mokwena.

Lesi sihlabani, esidume ngelika-Bra Eddie Khumalo emdlalweni iScandal! Ku-e.tv, kubikwa ukuthi sidlule emhlabeni ngoLwesine ekuseni ngemuva kokungeniswa esibhedlela ngasekuqaleni kweviki.

UMichael Pocock, okhulumela i-e.tv, ukuqinisekisile kwi-Channel24 ukuthi uMokwena,68, "ushonele esibhedlela ngemuva kokugula".

Uphinde wathi: "I-e.tv udumele kakhulu ngezindaba zokudlula emhlabeni kwakhe, futhi sithi alwehlanga lungehlanga emndenini kaSandy, nakozakwabo ku-Scandal!"

OLUNYE UDABA: Usenkingeni osolwa ngokudlwengula umfana,10

UMokwena selokhu aqala ukudlala kulo mdlalo kusukela uqala ukuboniswa ku-e.tv eminyakeni engu-13 eyedlule.

Ukuqoshwa kwalo mdlalo namhlanje kumisiwe.

Ngokombiko we-TVSA, lo mlingisi useke walingisa emidlalweni kamabonakude kuleli ehlanganisa i-OkavangoGenerations, kanye neSoul City.

- Channel24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 10-19°C Sunny. Mild. Pta: 9-24°C Sunny. Mild.
Jhb: 7-20°C Sunny. Mild. Bloem: 3-21°C Sunny. Mild.
Dbn: 16-22°C Scattered tstorms late. Partly cloudy. Cool. PE: 10-21°C Sunny. Mild.
Isibikezelo sezulu sezinsuku ezingu-7...