Namanje ayimphethe kahle eyokuhlulwa uBabes Wodumo - Umbiko

2017-03-12 08:20

Durban – Kubikwa ukuthi ayizange imphathe neze kahle eyokubuya eshwiba izandla emcimbini amaMetro FM Awards, umculi waseThekwini ofike kwezomculo kwezwakala.

Kulo mcimbi owawungomhlaka-25 Febhuwari, uBongekile “Babes Wodumo” Simelane, akazange athole ngisho eyokubika indondo.

Umbiko uqhuba ngokuthi lokhu kwahlikihla usawoti esilondeni njengoba lo mculi aphuthwa nayiSong of the Year yakwa-SABC, eyathathwa nguMroza wodumo lwengoma ethi Van Damme.

OLUNYE UDABA: Ulaxazwe yimenenja uBabes Wodumo

I-website yobumnandi i-OK Mzansi ibike ukuthi uBabes wabonakala ekhihla isililo kumaMetro kulandela ukuhamba engatholanga lutho.

“Wonke umuntu wayevulelekile ukuthi angakhankasa, ngeke sishintshe imigomo ngenxa yabathile,” kucashunwa lowo okhulumela i-SABC uKaizer Kganyago kulandela ukuthi ebuzwe ukuthi kwenzeka kanjani ukuthi iWololo ihlulwe nguVan Damme.

“Amavoti abalwa yinkampani ezimele sase saziswa ngobashaye bonke emakhanda, sase siyalimemezela igama lakhe,” esho.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 14-18°C More sun than clouds. Mild. Pta: 14-26°C More sun than clouds. Warm.
Jhb: 12-22°C More sun than clouds. Mild. Bloem: 9-20°C High level clouds. Mild.
Dbn: 19-22°C Rain showers. Afternoon clouds. Cool. PE: 14-20°C More sun than clouds. Mild.
Isibikezelo sezulu sezinsuku ezingu-7...