Lidedelwe ngebheyili ka-R50 000 isoka likaDJ Zinhle

2017-04-18 16:01

Johannesburg - Oyisoka likaDj wodumo kuleli uNtombezinhle "DJ Zinhle" Jiyane, uBrendon Naidoo, elisolwa ngokukhwabanisa udedelwe ngebheyili yemali engu-R50 000 ngoLwesibili eNkantolo yeMantshi yase-Alexandra.

Umshushisi uJimmy Shongwe utshele inkantolo ukuthi uNaidoo usolwa ngokukhwabanisa imali eyisamba esingu-R1.2 million.

UNaidoo ubhekene necala lokweba nokukhwabanisa elingaphansi kwesigaba 5 kumthetho iCriminal Procedure Act.

OLUNYE UDABA: Lisenkantolo isoka likaDJ wodumo 

UShongwe ucele inkantolo ukuthi idedele uNaidoo ngemali engu-R100 000 kodwa ummeli wakhe uJay Naidoo walwa waze waphumelela, wabe esededelwa ngo-R50 000.

UNaidoo uthe umsolwa angakwazi ukukhipha imali engu-R50 000 kanti futhi uzokwazi ukuvela esiteshini samaphoyisa aseSandton ngoMsombuluko nangoLwesihlanu.

Umsolwa waduma ngemuva kokubonakala ezithombeni ezisatshalaliswe ezinkundleni zokuxhumana enoDJ Zinhle.

UNaidoo kulindeleke ukuba abuyele enkantolo ngomhlaka-5 Meyi.

 - ANA

 - The Citizen

- “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter


- News 24

Isimo sezulu
Emigwaqweni
iLotto
Cpt: 10-17°C More sun than clouds. Mild. Pta: 17-30°C Morning clouds. Warm.
Jhb: 16-26°C Rain late. More sun than clouds. Warm. Bloem: 7-26°C High level clouds. Pleasantly warm.
Dbn: 16-20°C More clouds than sun. Cool. PE: 11-19°C Mostly sunny. Mild.
Isibikezelo sezulu sezinsuku ezingu-7...