Kuza ezinye izinguquko ku-SABC 3

2017-03-23 12:31

Cape Town – Isiteshi sikamabonakude uSABC 3, kulindeleke ukuthi simemezele izinguquko ezintsha ezizoqala ukusebenza kusukela ngomhlaka-1 ku-Ephreli.

Ngokwemithombo engaphakathi, uSABC 3 uzomemezela ukuthi uzoshintsha isikhathi okudlala ngaso inqwaba yezinhlelo zawo.

Kulindeleke nokuthi lesi siteshi sethule inqwaba yezinhlelo ezintsha ezididiyelwe kuleli – njengoba sihlela nokuthi siqede ukuphindaphindwa kwezinhlelo ezindala ngezikhathi zasebusuku ukuze kunciphe nezindleko zokusakaza izinhlelo eziphindwayo.

Nazi ezinye zezinguquko ezizokwenzeka kusuka ngo-Ephreli kuSABC 3:

- Kusukela ngomhlaka-17 ku-Ephreli i-Expresso kulindeleke ukuba ingabe isaqala ngo-6:00, kodwa iqale ngo-6:30 njengoba sekuzoba nohlelo lwezingane kusukela ngo-6:00.

- Kusukela ngomhlaka-3 ku-Ephreli angeke zisaphindwa izinhlelo ebeziphindwa kusukela ngo-09:00 njengoba sekuzophindwa uhlelo lwezingxoxo, iReal Talk with Anele.

- Umdlalo owuchungechunge, iMuvhango, usuzobuye uphindwe kuSABC 3 ngo-11:30 phakathi nezinsuku ngemuva kokuthi wakhishwa ngoJulayi kunyaka ka-2016.

OLUNYE UDABA: Umakadebona womsakazi ulaxaze iMetro FM wajoyina isiteshi esisha

- Uhlelo lwezingxoxo i-Afternoon Express seluzoqala ngesikhathi olwaluvele luqala ngaso ngaphambilini u-16:00 kusukela ngomhlaka-3 ku-Ephreli.

- I-Real Talk with Anele yona isizoqala ngo-17:00 njengoba lesi siteshi sikholwa ukuthi izokwazi ukuthi ihehe abanye ababukeli abaningi.

- Izindaba eziqala ngo-18:30 manje sezizoqala ngo-18:00 kusukela ngo-Ephreli.

- Lokhu kusho ukuthi umdlalo owuchungechunge waseMelika, iThe Bold and the Beautiful usuzoqala ngo-18:30 phakathi nezinsuku kusukela ngomhlaka-3 ku-Ephreli.

- I-Trending SA isizoqala ngo-21:30 esikhundleni sika-22:00. Ngaphezu kwalokho lolu hlelo angeke lusaphinda ngo-12:00 emini njengoba bekujwayelekile.

- Kusukela ngomhlaka-6 ku-Ephreli, iTop Billing isizoqala ngo-20:30, hhayi ngo-20:00 njengoba bekujwayelekile.

- ISpecial Assignment angeke isadlala ngo-12:30 ngoLwesithathu, kodwa isizodlala ngoMsombuluko ngo-21:00.

- Ngaphezu kwalokho kuphinde kube nezindaba ezimbi kubalandeli bohlelo lwezingxoxo ngezindaba ezisematheni, i-Interface olungena ngeSonto, ngo-21:30 njengoba kuzobe sekungolokogcina ngci ngomhlaka-2 ku-Ephreli. Endaweni yayo kuzoqala iCelebville ngeSonto ngomhlaka-8 ku-Ephreli.

- Channel24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 12-16°C Drizzle. Morning clouds. Cool. Pta: 4-21°C Sunny. Mild.
Jhb: 6-18°C Sunny. Mild. Bloem: -1-22°C Sunny. Mild.
Dbn: 14-24°C Sunny. Mild. PE: 12-19°C Sunny. Mild.
Isibikezelo sezulu sezinsuku ezingu-7...