Isizokwenziwa ngoWhatsApp inhlolokhono ye-SA's Got Talent

2017-05-17 19:32

Cape Town – Umncintiswano wokuvundululwa kwamakhono usuvule ithuba lokwenza inhlolokhono (audition) kubo bonke abantu baseNingizimu Afrika ngokusebenzisa inkundla yezokuxhumana eyintandokazi kuleli, uWhatsApp.

Lokhu kusho ukuthi manje noma ngabe ubani one-smartphone noWhatsApp usengenza inhlolokhono ngokucindenzela nje umakhalekhukhwini wakhe, kungakhathalekile ukuthi ukuphi nezwe.

OLUNYE UDABA: Sebemenyezelwe osaziwayo abazophatha uhlelo kuma-Samas

Nakhu ongakwenza ukuhlolwa ikhono kwi-SA's Got Talent usebenzisa uWhatsApp:

• Faka inombolo yeSA’s Got Talent’s (060 485 6175) lapho okugcinwa khona izinombolo kwi-smartphone yakho.

• Ngena kwi-App yaWhatsApp efonini yakho.
• Qala ingxoxo entsha ne-SA’s Got Talent.  

• Qopha i-video yakho yehlolokhono bese uyifaka kuWhatsApp.

• Faka igama lakho, iminyaka, idolobha kanye nemininingwane ongathintwa kuyo.

• Gcindezela u-SEND (thumela). 

Ukungenela ngoWhatsApp kuvalwa ngoLwesithathu ebusuku, mhlaka-31 Meyi 2017.

Kuleli sonto inhlolokhono izobe yenzelwa eThekwini, enkundleni yezemidlalo iMoses Mabhida Stadium (44 Isaiah Ntshangase Rd, Ethekwini). Amasango azovulwa ngo-07:00.

Labo abazobe beze kwinhlolokhono banxuswa ukuba bafike ungakashayi u-12:00, kungenjalo angeke baze besavunyelwa ukubamba ulayini.

Abaneminyaka engaphansi kwengu-18 ubudala kufanele bagadwe umuntu osekhulile. Abantu baseNingizimu Afrika kuphela abazohlolwa ikhono. 

- Channel24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 14-20°C Sunny. Mild. Pta: 9-27°C Sunny. Pleasantly warm.
Jhb: 7-23°C Sunny. Mild. Bloem: 6-25°C High level clouds. Mild.
Dbn: 13-23°C Morning clouds. Mild. PE: 11-21°C Morning clouds. Mild.
Isibikezelo sezulu sezinsuku ezingu-7...