Isiqinisekisiwe imininingwane yomngcwabo ka'Bra Eddie'

2018-01-30 16:05

Johannesburg – Isiqinisekisiwe imininingwane mayelana nenkonzo yesikhumbuzo neyomngcwabo kalowo obelingisa indawo kaBra Eddie kwiScandal!, uSandy Mokwena.

Lo mlingisi udlule emhlabeni ngoLwesine olwedlule.

Ngokusho kukaMichael Pocock, ongumxhunanisi we-e.tv nabezindaba, kuzoba nenkonzo yesikhumbuzo yangasese kuleli sonto bese ilandelwa ngeyomngcwabo ngoLwesihlanu.

“Ukufa kusiphuce ubaba, umlingisi onekhono kanye nendoda ebesibukela kuyo kakhulu," kusho isitatimende esikhishwe yi-e.tv. 

OLUNYE UDABA: Ungqongqoshe udlulise awenduduzo ngokushona kuka'Bra Eddie'

Ngesonto eledlule, indodakazi kaMokwena iveze ukuthi lo mlingisi udlule emhlabeni eneminyaka engu-68 ubudala.

UKeabetswe Mokwena uphinde waveza ukuthi bese kuphele isikhathi esingangonyaka ubaba wakhe ephethwe yisifo senhliziyo.

Kuthiwa ube esexineka kakhulu ezinyangeni eziyisithupha ezedlule.

Nansi imininingwane yomngcwabo ngezansi: 

Inkonzo yasesontweni

Usuku: 2 Febhuwari 2018

Isikhathi: 08:00 – 10:00

Indawo: Grace Bible Church, 1476 Dlebelendlovu Street, ePimville

Umngcwabo

Isikhathi: 11:00

Indawo: West Park Cemetery, Beyers Naude Drive noWes Park Road, eMontgomery Park


- Channel24

Isimo sezulu
Emigwaqweni
iLotto
Cpt: 17-24°C Sunny. Mild. Pta: 19-25°C Heavy rain. More clouds than sun. Warm.
Jhb: 16-24°C Rain showers. Mostly cloudy. Mild. Bloem: 16-30°C Sunny. Warm.
Dbn: 22-27°C Widely scattered tstorms. More clouds than sun. Warm. PE: 20-22°C Drizzle. Morning clouds. Mild.
Isibikezelo sezulu sezinsuku ezingu-7...