Amawele ama-'Idols' avikele umfundisi osolwa ngawocansi

2017-04-19 16:04

Durban - Ashaqise abalandeli awo amawele ake azama inhlanhla kumncintiswano wokuvundulula ikhono lomculo, ama-Idols SA, uNeliswa no-Anele Mxakaza evikela umfundisi osolwa ngokuhlukumeza ngokocansi amantombazane.

La mawele aphuma emaphepheni ngemuva kokuvela kuma-Idols ngo-2014 ngesikhathi unina ewakhipha emzini walo mfundisi oseMhlanga Ridge, eThekwini.

UNeliswa ubhale enkundleni yezokuxhumana uFacebook ngoLwesibili (izolo) evikela lo mfundisi emubiza "ngendoda enamahlaya".

OLUNYE UDABA: OKlebe bayaqhubeka nophenyo ngomfundisi 'olala nezingane'

"Uyindoda enamahlaya futhi ehlezi ikhuluma ngoKrestu neBhayibheli noma yikuphi," kusho uNeliswa.

Uqhube ngokuthi: "Ngaphandle kokuthi ngiyamuthanda, uNkulunkulu ungivezele ukuthi uyindoda enjani. Useduzane nehliziyo kaNkulunkulu."

Ngesikhathi iphephandaba iSowetan lithinta uNeliswa ngocingo ayiphumelelanga njengoba belulokhu lukhalile lungabanjwa kanti nemiqhafazo ethunyelelwe kuye akazange ayiphendule.

Udadewabo u-Anele uthe: "Namanje ngisakholelwa kuDaddy nakuba kukhulunywa kabi ngaye. UNkulunkulu ungivezele izinto ezingenza ngihlalele ethembeni manje."

Neliswa1.jpg

 Anele1.jpg

Nasi isiqephu se-Special Assignment:

- “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter                 


- News 24

Isimo sezulu
Emigwaqweni
iLotto
Cpt: 18-22°C Sunny. Mild. Pta: 19-28°C Scattered showers. Morning clouds. Warm.
Jhb: 17-26°C Scattered showers. Morning clouds. Warm. Bloem: 17-31°C Sunny. Pleasantly warm.
Dbn: 23-29°C Breaks of sun late. Warm. PE: 18-24°C Morning clouds. Mild.
Isibikezelo sezulu sezinsuku ezingu-7...