Uza kuleli uJustin Bieber
2012-11-22 14:02
Cape Town - Umculi wodumo noseke waziqoqela inqwaba yezindondo uJustin Bieber kulindeleke ukuthi atheleke eNingizimu Afrika ngonyaka ka-2013, uhlelelwe ukuthi acule emakhonsathini amabili kuphela, kubika iphephandaba iDie Burger.
Ngokusho kwephephandaba uJustin van Wyk wenkampani ehlela imicimbi iBig Concerts, upotshoze izindaba zokuza kukaBieber kuleli, ngesikhathi ekhuluma emcimbini obubanjelwe eMount Nelson Hotel, eKapa ngoLwesine.
UVan Wyk uthe okwamanje angeke akwazi ukuqinisekisa izinsuku uBieber azocula ngazo, nokho uthe amakhonsathi azokuba seKapa naseGoli kuphela.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).
- Channel24