Uyashada oweMalini
2011-07-27 12:11
Durban - Uzoshada nesoka lakhe leminyaka umculi weqembu laseThekwini elishisa izikhotha, iMalini, kubika iphephandaba iSolezwe.
UThofo Goge ocula phambili kuleli qembu nodabuka KwaMashu, uzoshada nesoka lakhe elalingumculi weqembu elalishisa izikhotha ngama-90’s, iTwins.
Umthombo opotshoze lezi zindaba uthe kade aqala amalungiselelo omshado phakathi kukaThofo noLucky Shabangu owayecula kumaTwins.
Leli qembu lalakhiwe ngamawele okwakungawa-kwaShabangu okwakungoLucky noNhlanhla nawakwaSethato okwakungoTebogo noThato.
Lo mthombo uthe uThofo uzokwembeswa, okungezinye zezindlela zokulungiselela umcimbi omkhulu.
– "Like" ikhasi lethu ku-Facebook uze ukwazi ukujoyina inkulumo ngolimi lakho.
– Landela IzindabaNews24 kuTwitter.
- News24