USephuma ushaye into ephakeme kulokhu
2011-07-05 08:36
Johannesburg - Umzwilili, uJudith Sephuma, wethule ngokusemthethweni i-albhamu yakhe entsha esihloko sithi I Am a Living Testimony eTheatre of Marcellus, Emperors Palace, ngoLwesihlanu ebusuku, nalapho bekudlalwa amaculo akhe amadala kanjalo namasha, kubika iphephandaba iSowetan.
Lo mcimbi, ohehe izethameli eziningi, ubuhlelwe ngokuhlanganyela nesiteshi somsakazo iKaya FM.
USephuma ukwazile ukugcina abathandi bomculo wakhe begxile kuyena ngenxa yendlela abecula aphinde anandise ngayo.
Le albhamu entsha izobathokozisa impela labo asebehambe noSephuma kule minyaka eyishumi ecula i-Afro-jazz.
- News24