Kuphenywa ngempi kaChris Brown no-Ocean
2013-01-29 07:32
Los Angeles - Amaphoyisa aseLos Angeles athi aphenya ngempi ebe phakathi kukaChris Brown -- nosadonsa isigwebo sokushaya intombi yakhe uRihanna
ngo-2009 -- nomculi we-rap uFrank Ocean.
U-Ocean ufuna uBrown ajeziswe ngokumthela induku ngempelasonto, njengoba kuthiwa bekubangwa indawo yokupaka, ngokombiko wephephandaba iLA Times.
"Uphenyo luyaqhubeka okwamanje ngeke ngikwazi ukukhipha imininingwane eminingi," kusho okhulumela amaphoyisa ase-LA uSteve Whitmore etshela abe-AFP.
Le mpi kuthiwa yenzeke ngeSonto ebusuku e-studio sokuqopha eWest
Hollywood.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- Sapa - AFP