Bathi uyashada u-Euphonik kaBonang

2012-12-05 12:02

Johannesburg - Sengathi kusekude ukuphela kokukhuluma nezimpi ezingapheli phakathi kosaziwayo abathandanayo uBonang Matheba nomsakazi we-5fm uDJ Euphonik, njengoba sekuvele ukuthi u-Euphonik uselobole enye intokazi.

Iphephabhuku iDrum libike lathi lizwe ngemithombo yalo ukuthi u-Euphonik ulobole intokazi ekuthiwa nguSwazi Tshabalala.

Kuthiwa laba bobabili baqala ukuthandana ngo-2006, imithombo ithi bazobopha elikasofasilahlane ngoMashi ngonyaka ozayo.

Akwazeki kahle ukuthi kuqhubekani ngobudlelwano buka-Euphonik noBonang, athandane naye cishe iminyaka emithathu, kusho umthombo utshela iphephabhuku.

"Kuqediwe ngezindaba zamalobolo. U-Euphonik wathandana kuqala noSwazi, engakathandani noBonang. Umuntu wakhe wakudala," kuqhuba umthombo.

Omunye umthombo uthi uBonang noSwazi babengabangani, bejwayele ukuchitha isikhathi ndawonye ngesikhathi befunda e-University of Johannesburg.

UBonang kuthiwa wasondelana kakhulu no-Euphonik ngesikhathi esejoyine uSABC1.

U-Euphonik akaphumelanga obala ngalezi zindaba.



 - Thola lolu daba luphelele kuDrum

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


- Drum

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 16-26°C High level clouds. Mild. Pta: 20-30°C Heavy rain late. Afternoon clouds. Warm.
Jhb: 17-26°C Flash floods. Afternoon clouds. Warm. Bloem: 18-32°C High level clouds. Pleasantly warm.
Dbn: 19-24°C More clouds than sun. Mild. PE: 15-23°C Sunny. Mild.
Isibikezelo sezulu sezinsuku ezingu-7...