Umengameli Zuma usephinde wagadla futhi kuMaimane

2016-07-30 09:10

Johannesburg – UMengameli Jacob Zuma usephinde wakhwela wadilika kumholi weDemocratic Alliance (DA) uMmusi Maimane, wambiza ngomuntu odidekile ongakwazi nokucabanga.

UZuma usho kanje ekhuluma nabalandeli be-African National Congress eThokoza Park, eSoweto, ngoLwesihlanu.

Ubengaqali ke ukukhuluma kanje ngoMaimane, njengoba ngoLwesine ekhulume eLetlhabile, eNorth West, wathi uMaimane uyanhlanhlatha nje akazi noma uyangena noma uyaphuma.

OLUNYE UDABA: Votelani i-ANC, nenzele uMandela - Zuma

UZuma uqhube ngokuthi isenzo se-DA sokukhetha uMaimane njengomholi wayo sekulidide kakhulu leli qembu.

“Lo mfana usedidekile manje, akazazi nezombangazwe – akazi lutho, uyanhlanhlatha nje. Ubekwe kuleya ndawo ukudida i-DA.

"Ngisho nomfana omncane oneminyaka emihlanu ubudala, angawenza umsebenzi kaMaimane," kusho uZuma sakubhuqa.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 17-21°C Sunny. Cool. Pta: 18-33°C Sunny. Pleasantly warm.
Jhb: 17-29°C Morning clouds. Pleasantly warm. Bloem: 16-28°C a few tstorms. Morning clouds. Warm.
Dbn: 20-27°C Heavy rain. Breaks of sun late. Warm. PE: 14-19°C Passing showers. More clouds than sun. Cool.
Isibikezelo sezulu sezinsuku ezingu-7...