I-IEC isimemezele usuku lokhetho lokuchibiyela

2016-09-14 16:03

Johannesburg – Ukhetho lokuchibiyela lohulumeni basekhaya luzobanjwa ngomhlaka-9 Novemba kuzwelonke, kusho isimemezelo se-IEC ngesitatimende.

Lolu khetho luzongenelwa amawadi angu-15, ezifundeni ezingu-80 ezinabantu abangu-93 145 ababhalisele ukuvota, kusho le nhlangano.

"Ngokomyalelo weNkantolo yoMthethosisekelo eyakhipha isinqumo ngomhlaka-14 Juni, ikhomishana yokhetho kumele ikhiphe uhlu lokhetho olunamagama ahambisana namakheli.”

OLUNYE UDABA: I-IEC ikhathazekile ngokungase kwenzeke eKZN ngesonto elizayo

I-IEC icele abavoti ukuba baqinisekise ukuthi akhona amakheli abo kuleli sonto elizayo.

“Zonke izikhungo zokuvota kumawadi athintekayo zizovulwa ngomhlaka-17 no-18 Septhemba phakathi kuka-08:00 no-17:00 ukuze abavoti bakwazi ukulungisa nokuqinisekisa imininingwane yabo.”

Abavoti bangakwazi ukushayala amahhovisi e-IEC balungise imininingwane yabo.

Labo abavota ngokukhethekile bazovotiswa ngomhlaka-8 Novemba.

- News 24

Isimo sezulu
Emigwaqweni
iLotto
Cpt: 11-15°C Scattered showers. Clearing skies. Cool. Pta: 13-31°C Mostly sunny. Pleasantly warm.
Jhb: 13-25°C High level clouds. Pleasantly warm. Bloem: 14-26°C Morning clouds. Pleasantly warm.
Dbn: 17-27°C Showers late. Afternoon clouds. Warm. PE: 13-18°C More sun than clouds. Mild.
Isibikezelo sezulu sezinsuku ezingu-7...