UTeko uthi bafuna ukuzibutha zonke izinkomishi kule sizini

2016-10-01 13:33

Johannesburg – Umdlali wasesiswini kuMamelodi Sundowns, uTeko Modise, uthi amaBrazilians afuna ukuqoqa zonke izinkomishi kule sizini, kanti azoqala ngeye-MTN8 namhlanje. 

ISundowns inethemba lokuthola inkomishi yesine kumasizini amathathu uma isibhekene neBidvest Wits kowamanqamu e-MTN 8 eMbombela Stadium., kubika iSoccer Laduma.

Lo mdlali ongumakadebona utshele izintatheli ukuthi baningi abadlali abasebancane eqenjini abadinga ukukhuthazwa uma kuyiwa emidlalweni yamanqamu.

OLUNYE UDABA: IDowns seyihlanze ngedela ngePSL

"Sifinyelele emidlalweni yamanqamu emibili evikini elilodwa, kanti lokho kusho ukuthi kumele sibagqugquzele abadlali abasebancane,” kusho uModise.

"Siyazi sonke ukuba ibaluleke yomibili le midlalo, owe-MTN 8 ne-CAF Champions League. Sifuna ukuyithatha le nkomishi namhlanje, bese siqinisekisa ukuthi nalezi ezinyen siyazithatha zonke,” kusho uModise.

Kula masizini amathathu edlule iSundowns isinqobe iligi, iNedbank Cup neTelkom Knockout.

- News 24

Isimo sezulu
Emigwaqweni
iLotto
Cpt: 14-16°C a few tstorms. More clouds than sun. Cool. Pta: 9-24°C Sunny. Mild.
Jhb: 7-19°C Sunny. Mild. Bloem: 4-22°C Sunny. Mild.
Dbn: 16-24°C Mostly sunny. Mild. PE: 12-22°C High level clouds. Mild.
Isibikezelo sezulu sezinsuku ezingu-7...