Usethole umsebenzi omusha kwikilabhu yaseNgilandi owakuleli

2018-04-04 11:01

London - Lowo owayengumdlali weBafana Bafana uSteven Pienaar useqokwe njengenxusa lokuqala le-Everton emazweni omhlaba.

Lo mdlali, 36, osethathe umhlala phansi waqala ukudlala ibhola kwi-Ajax Cape Town youth academy wabe esenyuselwa eqenjini elikhulu, ngaphambi kokuba alibhekise e-Europe, nokuyilapho adlalela khona iBorussia Dortmund, Tottenham, Sunderland, kanjalo namaToffees imidlalo engaphezu kwengu-200.

UPienaar, odlalele iBafana Bafana imidlalo engu-60, ubeke phansi amakhokho ngoJanuwari ngesikhathi eseshiya i-Bidvest Wits.

OLUNYE UDABA: Umqeqeshi akeneme ngokudlala ekuhambeni

Ekhuluma ngomsebenzi wakhe omusha, uPienaar kwi-website ye-Everton uthe: “Ngayithanda ngosuku lokuqala nje ngisayina kuyona le kilabhu futhi ngiyabonga ngokuba yinxusa layo.

“I-Everton Football Club iyikilabhu ebalulekile kumina futhi ngibheke ngabomvu ukuqhubezela phambili ubudlelwano bethu, nokusiza ekusabalaliseni izwi lemisebenzi emihle eliyenzayo.

- News24

Isimo sezulu
Emigwaqweni
iLotto
Cpt: 12-19°C Sunny. Mild. Pta: 15-23°C Afternoon clouds. Mild.
Jhb: 12-21°C Mostly sunny. Mild. Bloem: 7-22°C Sunny. Mild.
Dbn: 18-22°C Light rain early. Morning clouds. Cool. PE: 12-20°C High level clouds. Mild.
Isibikezelo sezulu sezinsuku ezingu-7...