Umqeqeshi wePirates uthi badlale njengokuba bebehlelile

2017-09-16 10:51

Johannesburg - Umqeqeshi we-Orlando Pirates uMilutin Sredojevic uthi abafana bakhe badlale njengokuba bebehlelile emdlalweni wabo neMaritzburg United ophele ngo-0-0.

IPirates ihlulwe yithuba lokuqhwakela esicongweni seligi, ngemuva kokubuya nephuzu elilodwa eHarry Gwala Stadium ngoLwesihlanu ebusuku.

Lo mqeqeshi ongowokudabuka eSerbia uyavuma ukuthi badinga ukuthatha izinqumo ezingcono ngasebhokisini.

OLUNYE UDABA: IFifa izokhokhela iSafa ngomdlalo ozophindwa

"Bekuwumdlalo onzima kakhulu sidlala neqembu eliseqophelweni eliphezulu. Akuyona ihlanhla ukuthi banamaphuzu angu-8 kuze kube njengamanje,” kusho uSredojevic etshela iSuperSport.

"Sidlale njengokuba besihlelile. Kusadingeka silungise izinto ezithize ngoba ngoLwesibili sizobe sidlala neqembu eliseqophelweni eliphezulu futhi iCape Town City."

"ICape Town City ayikho kowamanqamu eMTN8 ngephutha. Simema wonke umuntu ukuba eze ezobona umdlalo osezingeni[ngoLwesibili].”

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 12-19°C Sunny. Mild. Pta: 15-23°C Afternoon clouds. Mild.
Jhb: 12-21°C Mostly sunny. Mild. Bloem: 7-22°C Sunny. Mild.
Dbn: 18-22°C Light rain early. Morning clouds. Cool. PE: 12-20°C High level clouds. Mild.
Isibikezelo sezulu sezinsuku ezingu-7...