Umqeqeshi weBaroka usanethemba ngokuthatha isicoco seligi

2018-01-23 11:00

Johannesburg - Umqeqeshi weBaroka uKgoloko Thobejane uthi akekho umdlali abasazomsayinisa ngoJanuwari ngoba ucabanga ukuthi unabadlali abanele ukuba bangayethula esicongweni iMamelodi Sundowns.

Iqembu likaThobejane lethuse abaningi liqala kahle isizini, kodwa ukwehlulwa kwalo ngo-2-1 yiKaizer Chiefs ngempelasonto kubenze bayohlala endaweni yesikhombisa ngamaphuzu angu-25 emidlalweni engu-18 – nokusho ukuthi isilandela iSundowns ngamaphuzu angu-9.

IBakgaga isayinise umdlali wasemuva kuphela, uKhutso Mohwatseleng, obedlala eqenjini elidlala kwi-ABC Motsepe League iBaberwa FC ngoJanuwari, yalahlekelwa uSiphelele Ntshangase ojoyine iChiefs.

UThobejane usanethemba lokuthi bangasithatha isicoco seligi.

OLUNYE UDABA: Uxwayisa abadlali basemuva beChiefs oweBaroka

"Cha, asisazimisele ngokusayinisa abanye abadlali,” kusho uThobejane etshela iKickOff.com.

"Ngeke sisasayinisa muntu, sigculisekile ngesinakho.

"Sihubhana neSundowns. Kuzomele siyihubhe iSundowns nakuba siphinde salahla amaphuzu amathathu izolo [ngeSonto]. Kodwa sinaso isikwati.”

Emdlalweni olandelayo iBaroka izobhekana neGolden Arrows ngeSonto.

- News24

Isimo sezulu
Emigwaqweni
iLotto
Cpt: 12-18°C Morning clouds. Mild. Pta: 10-25°C Sunny. Mild.
Jhb: 7-20°C Sunny. Mild. Bloem: 4-20°C Sunny. Mild.
Dbn: 18-22°C Partly cloudy. Mild. PE: 11-18°C a few tstorms. More clouds than sun. Mild.
Isibikezelo sezulu sezinsuku ezingu-7...