‘Ukuphoxeka okukhulu’ iTheku liphunyulwa imidlalo yama-Commonwealth

2017-03-14 11:02

Durban – ITheku angeke lisayisingatha imidlalo yama-2022 Commonwealth Games ngemuva kokuhluleka ukuhlangabezana neminqamulajuqu eminingi kanye nezinkinga zezimali, iBusiness Day, ibike kanjalo ngoLwesibili.

ITheku bekuzoba yidolobha lokuqala e-Afrika ukuthi lisingathe le midlalo, ehlanganisa abadlali abavela emazweni angu-52 ama-Commonwealth.

Kuyimanje iCommonwealth Games Federation isibheka idolobha elisha elizosingatha le midlalo.

OLUNYE UDABA: Ngabe iTheku lizolahlekelwa imidlalo yamaCommonwealth?

INingizimu Afrika ibizosebenzisa u-R8 billion ngokusingatha le midlalo, iBusiness Day ibike kanjalo.

IBusiness Day icaphune uCharles Preece, okhulumela iFederated Hospitality Association of SA, ethi “sekubhekwe zonke izinto” iTheku belingeke likwazi ukukhona izindleko zale midlalo.

UMengameli weSouth African Sports Confederation and Olympic Committee, uGideon Sam, kubikwa ukuthi uthe lezi zindaba “ziwukuphoxeka okukhulu” kuzwekazi i-Afrika lonke.

“Kodwa ngaphandle kweziqiniseko zikahulumeni ezidingekayo, asikwazanga ukuqhubeka,” usho kanjalo.

“Wonke umuntu wayejabule ukubona imidlalo yama-Commonwealth yethulwa eThekwini, ebelifanelekile ukusingatha lo mcimbi, kodwa ngesikhathi ezomnotho seziqala ukubamba iqhaza, kwaba nzima.”

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 14-23°C Sunny. Mild. Pta: 12-22°C Afternoon clouds. Mild.
Jhb: 8-19°C Afternoon clouds. Mild. Bloem: 4-23°C Sunny. Mild.
Dbn: 14-21°C Decreasing cloudiness. Cool. PE: 15-22°C Sunny. Mild.
Isibikezelo sezulu sezinsuku ezingu-7...