UKomphela uyayamukela eyalabo abathi 'Steve Must Go'

2017-12-07 16:00

Cape Town - Umqeqeshi weKaizer Chiefs uSteve Komphela uthe uyazwelana nabalandeli baMakhosi yize bebememeza bethi 'Steve Must Go' kulandela ukuhlulwa kwekilabhu yiChippa United.

"Asiyilwisi eyokuhhahhanyezwa, siyayiqonda intukuthelo yabalandeli ngoba vele izinto kazihambi kahle. Vele ngokwejwayelekile uma kubhimba izinto kusolwa umqeqeshi," kusho uKomphela etshela iSuperSport ngemuva komdlalo.

"Bunjalo vele ubuholi, uma kubheda nguwe okumele usolwe."

Amakhosi awakwazanga ukubuya emdlalweni ngesikhathi amaChilli Boys efaka igoli kuqala ngosizo luka-Abel Mabaso njengoba umdlalo uphele ngo-1-0 uvuna le kilabhu yase-Eastern Cape.

OLUNYE UDABA: IChiefs idinga uMessi noma uRonaldo ukufaka amagoli - Inkakha

"Ngicabanga ukuthi ngesiwombe sokuqala senze iphutha zisuka nje," kusho uKomphela. 

"IChippa idlale kahle kakhulu, kepha ngenkulu inhlonipho, belilinye kuphela iqembu enkundleni ngesiwombe sesibili.

"Ngicabanga ukuthi isibalo samathuba esiwakhile besisikhulu kunesabo, kepha obekusele wukuthi sibhakuzise inethi."

Ukunqoba bekuzofukula lezi zinkundla zaseSoweto zibe kuTop 4 njengoba zisalelwe yimidlalo emibili ngaphambi kwekhefu likaKhisimusi.

UKomphela usephinde wathola okunye ukugxekwa ngabalandeli ngemuva kokudlala imidlalo emine benganqobi kanye nokugqoza kwamagoli.


- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 15-20°C Sunny. Cool. Pta: 16-30°C Showers early. Scattered clouds. Pleasantly warm.
Jhb: 15-26°C Showers early. Morning clouds. Warm. Bloem: 13-31°C Sunny. Pleasantly warm.
Dbn: 18-23°C a few showers. Decreasing cloudiness. Mild. PE: 14-20°C Mostly sunny. Cool.
Isibikezelo sezulu sezinsuku ezingu-7...