UKomphela uthi akayindawo kulandela isibhaxu

2018-04-08 13:29

Umqeqeshi weKaizer Chiefs uSteve Komphela umile kwelokuthi ngeke esule emsebenzini yize yanda eyabathi bamfuna ehambile eNaturena kulandela ukubhaxatshulwa kwezakhe ngo-3-0 yiChippa United.

“Ngeke ngibaleke‚” esho ngemuva kokuthi yena nabadlali bakhe bephume ngesamagundane abalandeli bebajikijela ngemfucuza enkundleni i-FNB Stadium ngoMgqibelo.

"Angisiyo le nhlobo yomuntu obalekayo uma izinto sezibheda. Uma ungumuntu futhi uziqhenya ngomsebenzi wakho kumele wazi ukuthi ukuzinikela kuyingxenye yomsebenzi.”

Kuze kwadingeka ukuthi amaphoyisa aqaphe isimo esangweni laseSoccer City njengoba abalandeli bebesho ukumudla luhlaza uKomphela kulandela ukuhlulwa bedlala ekhaya.

“Kumele ubekezele ukwazi ukubhekana nesimo noma sekunzima,” kusho uKomphela.

Kubikwa ukuthi kuthinteke umdlali oyedwa kulesi sigameko, nokho okuyimibiko engaqinisekiswanga.

UKomphela uvumile ukuthi akwamukelekile ukuthi bathelwe induku ngalolu hlobo, kepha wathi lokho akusho ukuthi usephonse ithawula.

"Kubalulekile ukuthi ungaphazanyiswa yizinto kalula futhi ukulindele ukugxekwa uma izinto zingasahambi kahle ngoba lokho kuyingxenye yebhola. Uma ungumqeqeshi kumele umelane nazo zonke izimo.”

- Times Live

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 12-19°C Sunny. Mild. Pta: 15-23°C Afternoon clouds. Mild.
Jhb: 12-21°C Mostly sunny. Mild. Bloem: 7-22°C Sunny. Mild.
Dbn: 18-22°C Light rain early. Morning clouds. Cool. PE: 12-20°C High level clouds. Mild.
Isibikezelo sezulu sezinsuku ezingu-7...