Ujoyina iCeltic obekulindeleke asayine kwiChiefs

2018-01-03 12:35

Johannesburg - USiphelele Ntshangase uzojoyina iBloemfontein Celtic, hhayi iKaizer Chiefs njengokuba bekulindelekile, ngokusho kwesikhulu seBaroka FC.

UNtshangase bekulindeleke ajoyine iChiefs kuleli sonto ngemuva kokuba ikilabhu yaseLimpopo ikuqinisekisile ukuthi ibenezingxoxo neChiefs ngokuthola lo mdlali ‘bavumelana’.

Nakuba kunjalo, sekwenzeke obekungalindelekile njengoba isicelo seChiefs singaphumelelanga, nalo mdlali amabombo esewabhekise kwiCeltic.

Izolo ngoLwesibili kubikwe ukuthi uNtshangase kulindeleke asayine inkontileka neChiefs maduzane.

OLUNYE UDABA: Umqeqeshi woSuthi ukhala ngewindi langoJanuwari

“Yebo, isivumelwano sokuya kwiChiefs sesihoxisiwe,” kusho uKhurishi Mphahlele etshela iSoccer Laduma.

“Uselibhekise kwiCeltic, ngemuva kwesivumelwano sokushintshana ngabadlali,” kusho uMphahlele.

Kodwa akafunanga ukwenaba mayelana nokuthi yimuphi umdlali ozoza kubona.

“Ngeke ngikwazi ukusho okwamanje. Sisematasa silungisa amaphepha,” kuqhuba isikhulu.

- News24

Isimo sezulu
Emigwaqweni
iLotto
Cpt: 18-23°C Partly cloudy. Mild. Pta: 18-32°C Mostly sunny. Pleasantly warm.
Jhb: 18-28°C More sun than clouds. Warm. Bloem: 16-28°C Rain late. Mostly cloudy. Warm.
Dbn: 21-27°C Mostly cloudy. Warm. PE: 20-26°C Showers late. Morning clouds. Mild.
Isibikezelo sezulu sezinsuku ezingu-7...