OweSuperSport uyaziqhenya ngabakwenze kweyeCAF nakuba bengawinanga

2017-11-28 16:00

Johannesburg - Umdlali wasemuva weSuperSport United, uClayton Daniels, uyaziqhenya ngemizamo yekilabhu yakhe ngemuva kokwehluleka ukuthatha iCaf Confederation Cup.

AmaMatsatsantsa ahlulwa ngo-2-1 ngemuva kwemilenze emibili kowamanqamu nezinkunzi zaseCongo i-TP Mazembe, nokwenze yazibeka ethubeni lokuthola umklomelo wokuba yikilabhu yeCAF evelele kulo nyaka.

UDaniels uthi izinkunzi zaseTshwane sezizogxila emizamweni yokuthatha isicoco se-Absa Premiership.

"Siyaziqhenya kakhulu ngokufinyelela la esifinyelele khona,” kusho uDaniels kwi-KickOff.com.

OLUNYE UDABA: IChiefs isamfuna namanje umgadli woSuthu

"Kuzomele sithathe konke okuhle esikuthole ohambweni olunzima lwase-Afrika sikusebenzise. Sikhulile njengekilabhu, ngakho sesibheke imidlalo yeligi manje ngoba sifuna yona [iligi].”

"Sizame ngawo wonke amandla ethu kuyona yombili imidlalo. Sidlale kahle, sazimisela, salwa…akukho noyedwa umdlali ongenzanga okusemandleni akhe futhi siyaziqhenya njengeqembu.”

ISuperSport izoqhubeka nemidlalo yeligi njengoba izodlala ne-Ajax Cape Town eMbombela Stadium ngoLwesithathu ngo-19:30.

- News24

Isimo sezulu
Emigwaqweni
iLotto
Cpt: 14-17°C Showers late. Afternoon clouds. Cool. Pta: 10-25°C Sunny. Mild.
Jhb: 7-21°C Sunny. Mild. Bloem: 5-21°C Sunny. Mild.
Dbn: 17-25°C Morning clouds. Mild. PE: 13-23°C High level clouds. Mild.
Isibikezelo sezulu sezinsuku ezingu-7...