Owayeqeqesha iPirates usevumile ukuthatha iBafana - Umbiko

2017-03-15 12:29

Johannesburg - I-SAFA iyayichitha imibiko ethi lowo owayengumqeqeshi we-Orlando Pirates uRuud Krol usevumile ukuba ngumqeqeshi olandelayo weqembu lesizwe laseNingizimu Afrika.

I-Mail & Guardian namhlanje ekuseni ibike ukuthi lo mqeqeshi waseNetherlands uzothatha izintambo kuBafana Bafana ngemuva kokuba zingaphumelelanga izingxoxo phakathi kweSafa noCarlos Queiroz, Herve Renard kanye noHugo Broos.

Imenenja yezokuxhumana kwi-SAFA, uDominic Chimhavi, yalile ukuqinisekisa lolu daba.

OLUNYE UDABA: INingizimu Afrika iqhathwe 'nanzima' koweNdebe yoMhlaba

“Asiphawuli ngamahlebezi abezindaba. Kwaqala kwaba uQueiroz, Herve, Broos, [Stuart] Baxter manje sekunguRuud,” kusho uChimhavi etshela iKickOff.com.

“Asikho isidingo sokuphawula ngamahlebezi kodwa lokhu ngiyakuqabuka [ukuthi uKrol usevumile]. Sise-Ethiopia lapho kunokhetho khona lwe-CAF, uma sesibuya sizomemezela umqeqeshi omusha weBafana Bafana.”

IBafana isezandleni zika-Owen Da Gama okwamanje kusukela obengumqeqeshi uShakes Mashaba afakwa amasondo kulandela ukukhala ngaphansi eqondiswa izigwegwe.

- News 24

Isimo sezulu
Emigwaqweni
iLotto
Cpt: 15-17°C Showers late. Partly cloudy. Cool. Pta: 17-28°C Showers early. Morning clouds. Warm.
Jhb: 16-23°C Showers early. Morning clouds. Mild. Bloem: 13-28°C Sunny. Pleasantly warm.
Dbn: 19-23°C Showers early. More sun than clouds. Mild. PE: 12-21°C More sun than clouds. Cool.
Isibikezelo sezulu sezinsuku ezingu-7...