Nalu uhlu oluphelele lwabawine kuma-PSL Awards nemali abayitholile

2017-07-11 09:30

Johannesburg – Uzidlele amahlanga uLebogang Manyama weCape Town City emcimbini wokuklomelisa ngezindondo abadlali abavelele ngesizini ka-2016/17 kuma-Premier Soccer League Awards eSandton, eGoli, ngoMsombuluko kusihlwa, kubika iKick Off.

Lo kaputeni weCitizens ukhale wemuka nendondo yePSL Player of the Season, eyePlayers’ Player of the Season kanjalo neyomdlali ohambe phambili ngokushaya amagoli. Lokhu kwenze wagoduka nesamba semali engu-R425 000.

UManyama uholele iCity ekuthatheni isicoco seTelkom Knockout ezinsukwini ezingu-144 nje kuphela le kilabhu isunguliwe.

Uzakwabo kaManyama, u-Aubrey Ngoma naye uhambe ehleka yedwa kulo mcimbi njengoba ehlabane ngendondo yeTelkom Knockout Player of the Season kanjalo neyePSL Midfielder of the Season.

OLUNYE UDABA: Uthi iyaqaqamba inhliziyo ngokuphuthwa yithuba lokudlala kwi-PSL obedlalela iThanda

Ompetha beligi, iBidvest Wits, nabo abasalanga ngaphandle njengoba unozinti uDarren Keet ewine indondo yeGoalkeeper of the Season, uThulani Hlatshwayo wawina eyeDefender of the Season, uPhakamani Mahlambi wawina eyePSL Young Player of the Season kwase kwathi umqeqeshi weqembu, uGavin Hunt, yena wagoduka neyeCoach of the Season kwisizini yonyaka ka-2016/17.

Abanye abawinile kubalwa umdlali weWits, uDaine Klate, nowine indondo yeMTN8 Player of the Tournament ekubeni umdlali we-Orlando Pirates, u-Abbubaker Mobara, yena ehlabane ngeyeNedbank Cup Player of the Tournament.

Zibonele uhlu oluphelele lwabawine kuma-PSL Awards ngokulandelana kwabo ngezansi:

MTN8 Last Man Standing: Daine Klate (Bidvest Wits) - R80 000

Telkom Knockout Player of the Tournament: Aubrey Ngoma (Cape Town City) - R200 000

Nedbank Cup Young Player of the Tournament: Nduduzo Sibiya (Golden Arrows) - R50 000

Nedbank Cup Player of the Tournament: Abbubaker Mobara (Orlando Pirates) - R150 000

NFD Top goal scorer (winner): Sedwyn George (Royal Eagles - 20) - R50 000

MultiChoice Diski Challenge Top Goal Scorer: Tshegofatso Mabaso (Bloemfontein Celtic - 12)

MultiChoice Diski Challenge Player of the Tournament: Keletso Makgalwa (Mamelodi Sundowns) - R30 000

PSL Assistant Referee of the Season: Luvuyo Pupuma - R40 000

PSL Referee of the Season: Phelelani Ndaba - R50 000

Absa Premiership Goalkeeper of the Season: Darren Keet (Bidvest Wits) - R50 000

Absa Premiership Young Player of the Season: Phakamani Mahlambi (Bidvest Wits) - R50 000

Absa Premiership Coach of the Season: Gavin Hunt (Bidvest Wits) - R75 000

Absa Premiership Top goal scorer: Lebogang Manyama (Cape Town City - 13) - R25 000

Absa Premiership Defender of the Season: Thulani Hlatshwayo (Bidvest Wits) - R50 000

Absa Premiership Midfielder of the Season: Aubrey Ngoma (Cape Town City) - R50 000

Absa Premiership Goal of the Season: Siphiwe Tshabalala (Chiefs vs SuperSport United, 29 April 2017) - R50 000

Absa Premiership Player of the Season: Lebogang Manyama (Cape Town City) - R150 000

PSL Footballer of the Season: Lebogang Manyama (Cape Town City) - R250 000

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 10-14°C More sun than clouds. Cool. Pta: 6-23°C Sunny. Mild.
Jhb: 6-19°C Sunny. Mild. Bloem: -2-18°C Sunny. Mild.
Dbn: 15-18°C Showers late. Partly cloudy. Cool. PE: 10-16°C Mostly sunny. Cool.
Isibikezelo sezulu sezinsuku ezingu-7...