'Nabadlali kumele bayizwe ingcindezi ngokungenzi kahle kweChiefs'

2017-12-09 12:07

Johannesburg - IKaizer Chiefs izothola ithuba lokujika izinto eRoyal Bafokeng Stadium kule mpelasonto, ngemuva kokushaywa yiChippa United maphakathi nesonto. 

Ngemuva kokushaywa ngo- 1-0 bedlala neChippa ngoLwesithathu, Amakhosi azobe efuna ukuthola umphumela ongcono uma esebhekene nePlatinum Stars namhlanje ebusuku.

Umqeqeshi weChiefs, uSteve Komphela, ungaphansi kwenkulu ingcindezi njengoba abalandeli bekilabhu yakhe befuna ukuwina.

OLUNYE UDABA: Yini emangazayo ngokwehlulwa kweChiefs? 

Lowo owayengumdlali wasemuva kwiChiefs, uRodney ‘Danger’ Thobejane, uthi abadlali nabo kumele benze okuthile ukuguqula isimo elibhekele naso ikilabhu. 

“Ibhola umdlalo weqembu. Njengoba imiphumela ingemihle, abadlali kumele bayizwe nabo ingcindezi.

“Ngiyayibona kancane kubona ngoba uma ulokhu ufuna ukuwina ugcina usuxhamazela nokwenza kwesinye isikhathi ugcine ungayitholi imiphumela.

“IChiefs kudingeke ingatatazeli ukuze ifake amagoli,” kusho uThobejane. 

- News24

Isimo sezulu
Emigwaqweni
iLotto
Cpt: 14-18°C Morning clouds. Mild. Pta: 11-28°C Sunny. Pleasantly warm.
Jhb: 11-25°C Sunny. Pleasantly warm. Bloem: 4-23°C High level clouds. Mild.
Dbn: 20-26°C More sun than clouds. Mild. PE: 14-22°C Mostly sunny. Mild.
Isibikezelo sezulu sezinsuku ezingu-7...