Kushone owayengumqeqeshi weKaizer Chiefs owawina izicoco

2017-08-17 11:02

Cape Town - IKaizer Chiefs isidlulise amazwi enduduzo ngokudlula emhlabeni kowangumqeqeshi wayo, uMario Tuani, noshonele ekhaya lakhe elisezweni lakhe, iChile, ngeSonto eledlule.

Lo mqeqeshi owayeteketiswa ngo-'the Godfather', wahola amaGlamour Boys kusukela ngonyaka ka-1979 kuya ku-1980 nalapho le kilabhu yawina khona isicoco seMainstay Cup  kanye nesicoco seligi ngesikhathi esingamasizini amabili eyiqeqesha.

USihlalo weKaizer Motaung, ubonge lo mqeqeshi waseChile ngeqhaza lakhe, waphinde wazwakalisa ukukhalisana nomndeni wakhe ngokulahlekelwa.

OLUNYE UDABA: IKaizer Chiefs icabanga ukubolekisa ngomdlali

“Ngesikhathi uMario  esijoyina wayesevele eseseNingizimu Afrika,” uMotaung ucashunwe esho kanjalo kwi-website yale kilabhu.

“Waqeqesha amakilabhu amaningi futhi, phakathi kwezinye zezindondo zakhe, washiya umaka ongasoze wasuswa ngokusisiza siwine isicoco seligi ngo-1979, okokuqala siwina le ndebe ngemuva kwe-NPSL ehlanganisa izinhlanga eziningi iqale esikhathini esiwunyaka ngaphambilini.

“Egameni leKaizer Chiefs, ngifisa ukudlulisa ukuzwelana okukhulu nomndeni wakwaTuani kanye nabangani. Ngibafisela ukuqina ukwamukela okuthi othandiweyo wabo usezitholile izindondo zakhe.”

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 12-22°C High level clouds. Mild. Pta: 14-29°C Sunny. Pleasantly warm.
Jhb: 12-25°C Sunny. Pleasantly warm. Bloem: 8-30°C Sunny. Pleasantly warm.
Dbn: 17-21°C More clouds than sun. Cool. PE: 15-19°C Morning clouds. Mild.
Isibikezelo sezulu sezinsuku ezingu-7...