Ingamanga eyokuthi sigaqele uPiennar - Bobby

2016-07-28 14:32

Johannesburg – Imenenja yebhola kuKaizer Chiefs uBobby Motaung usewaphebezile amahlebezi athi akusensukuzatshwala uSteven Pienaar asayinde naleli qembu.

UMotaung uchazile ngoLwesithathu ukuthi aMakhosi akhethe ukungamsayinisi lo mdlali obegijima ku-Everton, njengoba iziphathimandla zeqembu ziveze ukuthi benele abadlali abanesipiliyoni kuleli qembu.

"Uma usayinisa umdlali ofana noSteven usuke ulindele ukuthi amava akhe adlulele kwabanye abadlali aphinde abe yisiboneli kwabanye,” kusho uMotaung ecashunwa yiTimes Live.

OLUNYE UDABA: Isidaluliwe imali efunwa uPienaar uma ebuyela ku-PSL

"Sesinabo abadlali abanamava abafana noShabba (Siphiwe Tshabalala) no-Itu (Itumeleng Khune).

“Asisiboni isidingo sokuzixaka sifune uSteven ukuba azokwenza into esivele yenziwa abanye abadlali. Ngicabanga ukuthi senele ngabadlali abacija abanye.”

Amanye amaqembu okwathiwa agaqele lo mdlali yi-Orlando Pirates neMamelodi Sundowns.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 16-23°C Morning clouds. Mild. Pta: 21-28°C Showers early. More clouds than sun. Warm.
Jhb: 18-26°C Drizzle. Morning clouds. Warm. Bloem: 18-28°C More sun than clouds. Warm.
Dbn: 22-27°C a mixture of sun and clouds. Warm. PE: 18-24°C Rain early. More sun than clouds. Mild.
Isibikezelo sezulu sezinsuku ezingu-7...