IKaizer Chiefs nomkhankaso olwisana nenzondo kwabokufika

2017-03-16 11:04

Cape Town - IKaizer Chiefs isiyethule kabusha umkhankaso wayo wokulwisana nenzondo ebhekiswe kwabokufika nozokwaziwa ngokuthi yi-Africa4Life.

Lokhu kulandela ukuqubuka kodlame lwakamuva phakathi kwabakuleli kanye nabokufika.

OyiMarketing Director yeKaizer Chiefs, uJessica Motaung, uthi kubaphatha kabi kakhulu ukuthi sebethula kabusha lo mkhankaso we-Africa4Life futhi.

“Sasikholwa ukuthi lezo zinsuku ezimbi sezingemuva kwethu, kodwa ngenxa yokwenyuka kodlame kwabase-Afrika abangabokufika, sibona ukuthi kunesidingo sokuthi sethule kabusha lo mkhankaso,” uMotaung utshele iwebsite yekilabhu.

OLUNYE UDABA: Owayeqeqesha iPirates usevumile ukuthatha iBafana - Umbiko

“Sibona ukuthi kubalulekile ukuthatha izinyathelo ukwenza ngcono isimo nokuthi sifake umuzwa wokuzwana phakathi kwabantu abasuka ezindaweni ezingafani.

“Ngomkhankaso we-Africa4Life, indlela yethu yokukhombisa ukuthi sibona ukubaluleka ezimpilweni zabantu ngokulingana.”

Emdlalweni olandelayo, amaGlamour Boys azolibangisa ePeter Mokaba Stadium nalapho ezobhekana khona neBaroka FC emdlalweni wePSL ngoMgqibelo.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 13-21°C Morning clouds. Mild. Pta: 6-24°C Sunny. Mild.
Jhb: 4-20°C Sunny. Mild. Bloem: 0-22°C Sunny. Mild.
Dbn: 16-27°C Sunny. Warm. PE: 10-24°C Morning clouds. Mild.
Isibikezelo sezulu sezinsuku ezingu-7...