IChiefs emizamweni yokusayina umdlali we-United ‘obiza itshe lemali’

2017-06-14 18:01

Cape Town – Izinkunzi zaseSoweto, iKaizer Chiefs, kubikwa ukuthi sezenze imizamo yothola umgadli weSuperSport United ovutha engabaselwe, uJeremy Brockie, yize noma kubikwa ukuthi aMatsatsatsa afuna itshe lemali kunoma yiliphi iqembu elimdingayo.

Lo mgadli odlalela iqembu lesizwe eNew Zealand uthathwa njengomunye wabadlali abababayo abadlala kwi-Absa Premiership ngemuva kokuqinisekisa ukuthi uyakwazi ukuvalela amagoli cishe angaphezu kwelilodwa njalo emidlalweni emibili.

OLUNYE UDABA: IKaizer Chiefs idedele abadlali abayisikhombisa

Lo mdlali oneminyaka engu-29 ubudalala uke waba sematheni ngaphambilini, ngokufunwa kwakhe ngompetha base-Afrika, iMamelodi Sundowns, yize noma imali elinganiselwa ku-R12 million okuthiwa ukubiza kwakhe kuhlambiselwa kuyona, seyenze aba mfiliba amathuba okuthi kungase kube nesivumelwano esiphothulwayo ngaye.

ISoccer Laduma ibike ukuthi amaBrazilians yiwona angase abe sethubeni elingcono lokuthi asayine lo mdlali onenkontileka eyoze iphele ngonyaka ka-2020 neSuperSport.

Kodwa-ke Amakhosi nawo kubukeka sengathi angenile kulo mbango njengoba kubikwa ukuthi acele ulwazi ngesimo senkontileka yalo mdlali,

Ngokusho kwalo leli phephandaba, amaqembu ase-Middle East nawo asekhombise ukuba nentshisekelo yokusayina lo mdlali, yize noma zingekho iziphakamiso eziqinile ebezisenziwe kuze kube yimanje.

UBrockie usebe ngomunye wabadlali bakwamanye amazwe asebekhombise ukuvelela eMzansi njengoba esivalele enethini amagoli angu-38 lapha ekhaya kusukela afika ku-United ngesizini ka-2014/15.

- News 24

Isimo sezulu
Emigwaqweni
iLotto
Cpt: 15-17°C Showers late. Partly cloudy. Cool. Pta: 17-28°C Rain showers. Morning clouds. Warm.
Jhb: 16-23°C Showers early. High level clouds. Mild. Bloem: 13-29°C Sunny. Pleasantly warm.
Dbn: 19-24°C Showers early. Morning clouds. Mild. PE: 12-21°C Afternoon clouds. Cool.
Isibikezelo sezulu sezinsuku ezingu-7...