I-PSL isichithile isicelo seMamelodi Sundowns

2016-09-07 16:01

Johannesburg – I-PSL isinqabile isiphakamiso seMamelodi Sundowns sokuthi kuhlehliswe eminye imidlalo yeligi ukuze ikwazi ukuzilungiselela kahle umdlalo we-CAF Champions League.

IDowns izothwala kanzima kule nyanga njengoba inemidlalo eminingi ye-PSL, i-MTN8 nemidlalo yeChampions League.

Leli qembu lacela ukuthi kuhlehliswe umdlalo wangomhlaka-14 Septhemba nowangomhlaka-17 Septhemba.

OLUNYE UDABA: UMosimane usecele usizo ku-PSL noMashaba

“Sixhumene neSundowns isicela ukuthi sihlehlise imidlalo yeligi, kepha sababhalele izizathu zokuthi kungani kungeke kwenzeke lokhu,” kusho okhulumela i-PSL uLux September.

"Sibafisela okuhle kodwa njengoba bezobe bemele izwe.”

I-PSL ithi uma ivumela ukuthi kuhlehliswe imidlalo yeDowns kuzoba sengathi iyakhetha, ngoba eye-Orlando Pirates ayizange ihlehliswe ngesikhathi idlala kweye-CAF ngo-2013.

ISundowns izodlala imidlalo emihlanu ezinsukwini ezingu-14.

- News 24

Isimo sezulu
Emigwaqweni
iLotto
Cpt: 12-18°C Morning clouds. Mild. Pta: 10-25°C Sunny. Mild.
Jhb: 7-20°C Sunny. Mild. Bloem: 4-20°C Sunny. Mild.
Dbn: 18-22°C Partly cloudy. Mild. PE: 11-18°C a few tstorms. More clouds than sun. Mild.
Isibikezelo sezulu sezinsuku ezingu-7...