Abadlali abane be-PSL baphakanyiselwe izindondo eziphezulu ze-CAF

2017-11-02 11:00

Cape Town - UPercy Tau, uDenis Onyango, uJeremy Brockie kanye noDean Furman basolwini lwabaphakanyiselwe indondo yeCAF Champions League.

Yize iMamelodi Sundowns iphume ekuseni kowe-CAF, u-Tau no-Onyango amagama abo aphakathi kwabadlali abangu-30 abaphakanyiselwe indondo i-2017 CAF Player of the Year.

Laba bobabili baphinde baqokelwa eye-CAF Player of the Year - Based in Africa, bekanye nabadlali beSuperSport United uDean Furman noJeremy Brockie. 

U-Onyango uphinde waqokelwa kulo mkhakha kulandela ukukhala emuke nendondo efanayo i-CAF Player of the Year - Based in Africa ngo-2016.

OLUNYE UDABA: Uhlelo lweDowns lokubuyela kwiClub World Cup

UBrockie nguye othwele ngeqoma ukuba athathe indondo yokufaka amanqaku amaningi kwi-CAF Confederation Cup.

Njengoba kuseza umdlalo wamanqamu ne-TP Mazembe, lo mdlali odabuka eNew Zealand vele usenamagoli angu-10 ngaphansi kwegama lakhe, eshiya emuva lowo osezithendeni zakhe ngamagoli amane.

Umcimbi wokuklonyeliswa ngezindondo uzobanjelwa e-Accra eGhana ngomhlaka-4 Januwari.

Abazonqoba bazokhethwa ngevoti eliqhamuka kubaqeqeshi namathimba abo adlelana ne-CAF, i-CAF Technical and Development Committee, kanye nongoti.


- News24

Isimo sezulu
Emigwaqweni
iLotto
Cpt: 13-20°C More sun than clouds. Mild. Pta: 11-27°C Sunny. Pleasantly warm.
Jhb: 10-22°C Sunny. Mild. Bloem: 7-23°C Sunny. Mild.
Dbn: 18-27°C More sun than clouds. Warm. PE: 13-21°C Sunny. Mild.
Isibikezelo sezulu sezinsuku ezingu-7...