Usezobonakala kuPirates uChinyama
2012-08-29 14:02
Johannesburg - Esigamekweni esibonakala singatakula i-Orlando Pirates, umgadli uTakesure Chinyama nobebhekwe ngabomvu kungenzeka ukuthi abonakale uma ezakhe sezigadulisana neMoroka Swallows ngoMgqibelo.
UChinyama udedelwe yiqembu lakhe laseZimbabwe iDynamos, kanti uma umqeqeshi u-Augusto Palacios esekhetha abadlali naye elakhe igama lizobe likhona esigqokweni kulo mdlalo womkhaya baseSoweto.
IPirates ibibonakala idonsa kanzima ekutholeni lo mdlali, ngemuva kokuthi iDynamos yanxenxa ukuba akhokhelwe ngokugcwele ngaphambi kokuba imdedele.
"Konke sekumi ngomumo manje, uChinyama usekulungele ukudlala," kusho imenenja yezokuxhumana kumaBhakabhaka uMickey Modisane
etshela iKickOff.com.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- News24
