Useshaye ingwiji uKeshi
2013-02-12 12:03
Johannesburg - Inhlangano iNigeria Football Federation ithi umqeqeshi weqembu lesizwe uStephen Keshi, ukumisile okwesikhashana ukuhoxa kwakhe emsebenzini wokuqeqesha njengoba kusaqhubeka izingxoxo.
UKeshi uveze ukuthi uhambise incwadi yokwesula, ngesikhathi ekhuluma emsakazweni wakwa-SABC ngoMsombuluko.
Uhambisa le ncwadi nje usanda kuqopha umlando, iNigeria yanqoba umdlalo we-2013 African Cup of Nation, ngemuva kweminyaka ethi ayibe ngu-20, iNigeria ikhala ngaphansi.
Inhlangano ikhiphe lesi sitatimende ngoLwesibili, sisayinwe ukuthi siphuma kumqeqeshi uqobo.
"Yize noma kukhona la ngingathokozile khona ngendlela izinto ezenzeke ngayo kuqhubeka i-Afcon, egcine inqotshwa yiqembu lami. Ngiyakhulumisana nazo zonke izinhlaka ezithintekayo," kusho isitatimende sikaKeshi.
"Ngiyajabula ukusho ukuthi ngizoqhubeka nomsebenzi wami."
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).
- SAPA