Ulaliswe esibhedlela u-Igesund

2013-02-13 14:02

Johannesburg - Umqeqeshi weqembu lesizwe iBafana Bafana uGordon Igesund, usesibhedlela kusukela ngoLwesibili, kulandela ukuthi akhale ngobuhlungu esiswini, kusho inhlangano yebhola kuleli iSA Football Association.

"Ukuhlolwa okwenziwe kuthi kungenzeka ukuba une-appendicitis," kusho isitatimende seSafa.

UDokotela Ephraim Nematswerani, okunguye onyanga u-Igesund, uthi nakanjani ukholwa wukuthi u-Igesund une-appendicitis.

"Uzoqhubeka ahlolwe kuze kuzoba nesiqiniseko, nokho uzolulama maduzane. Akusiyo into embi kangako," kusho uNematswerani.

U-Igesund waqokelwa kwesokuqeqesha iBafana ngoJuni ngonyaka owedlule, waphinda waba yingxenye yeqembu njengoba bekuqhubeka imidlalo ye-Africa Cup of Nations.

Lo mqeqeshi oneminyaka rngu-56 ubudala, nguyena kuphela umqeqeshi oseke waqeqesha amaqembu amane amakhulu e-Premier Soccer League, okuyiManning Rangers, Orlando Pirates, Santos neMamelodi Sundowns, waphinde wawanqobela izicoco.


 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).



- SAPA

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 15-22°C Sunny. Mild. Pta: 15-29°C Rain showers. High level clouds. Warm.
Jhb: 12-26°C Heavy rain late. More clouds than sun. Warm. Bloem: 11-31°C High level clouds. Pleasantly warm.
Dbn: 16-25°C Mostly sunny. Mild. PE: 16-22°C Sunny. Mild.
Isibikezelo sezulu sezinsuku ezingu-7...