USerero unethemba lokululama ngokushesha

2012-09-26 12:01

Johannesburg - UThulani Serero unethemba lokuthi uzosheshe abuyele enkundleni ngemuva kwezindaba zokuthi ngeke akwazi ukudlala cishe isikhathi esingangonyaka ngenxa yokulimala.

Isihlabani seBafana Bafana sithole ukuxilongwa ngemishini ngoMsombuluko ntambama ngemuva kokulimala emdlalweni owawungeSonto owaphela ngo 1-1, i-Ajax Amsterdam ibhekene neDen Haag.

USerero uthi usazophinde ahlolwe futhi ngesento elizayo ukuze kubonakale ukuthi ngempela uzohlala isikhathi esingakanani engadlali.

 “Odokotela bazongazisa ukuthi bacabangani, mina nje okuzomele ngikwenze ukuthi ngenze konke okusemandleni ami ukuthi ngisheshe ngilulame. Khona kuyakhathaza ngoba besengiqala ukulithola njalo ijezi eqenjini. Kodwa-ke ebholeni ziyenzeka izinto ezifana nalezi,” usho kanje etshela abeKickoff.com.

USerero wafaka igoli lakhe lokuqala ngasekuqaleni kwenyanga, selokhu ajoyina i-Ajax kanti ubese elithola ijezi ngaphansi komqeqeshi uFrank de Boer ngemuva kokungadlali isikhathi eside ngenxa yokulimala.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter

- News24

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 16-24°C Sunny. Mild. Pta: 16-29°C More sun than clouds. Warm.
Jhb: 13-24°C Showers late. More sun than clouds. Mild. Bloem: 15-28°C Rain late. Afternoon clouds. Pleasantly warm.
Dbn: 16-25°C Showers late. More clouds than sun. Mild. PE: 13-22°C Sunny. Mild.
Isibikezelo sezulu sezinsuku ezingu-7...