UMokoena ufunwa e-UAE
2011-07-08 14:08
Cape Town – Ommele lowo owayengukaputeni weBafana Bafana, u-Aaron Mokoena, uthi lo mdlali ufuna ukulishiya iqembu lakhe, iPortsmouth, njengoba ethi kukhona iqembu lase-United Arab Emirates elimfunayo, kubika iKickOff.com.
Umqeqeshi wePortsmouth, uSteve Cotterill, uveze ukuthi uzomdayisa uMokoena uma kukhona iqembu eliza nemali ebhekile, kodwa wayiphika imibiko ethi lo mdlali, 30, ufuna ukulishiya leliya qembu.
Kodwa, uDietmar Wendorff, ommele uMokoena, uthi utshelwe nguMokoena ukuthi amtholele iqembu elisha.
"Ungitshele ukuthi ufuna ukuhamba. Sengithole iqembu e-Emirates elifuna ukumthatha," uWendorff utshele iKickOff.com.
"Sixoxisana naleli qembu, elizimisele ngokumholela imali engango-€2m (R15m) ngonyaka."
UMokoena wajoyina iPortsmouth evela kwiBlackburn Rovers ngo-2009.
– "Like" ikhasi lethu ku-Facebook uze ukwazi ukujoyina inkulumo ngolwimi lakho.
- News24