UBobby ubuyele enkantolo

2012-12-03 12:02

Johannesburg - Imenenja yeKaizer Chiefs uBobby Motaung kulindeleke ukuba avele eNkantolo yeMantshi eNelspruit ngoMsombuluko njengoba kulindeleke ukuba kuphume ilanga lokuqulwa kwecala lokukhwabanisa elithweswe yena nabanye asolwa nabo.

UBobby waboshwa ngo-Agasti kulo nyaka ngezinsolo zokuthola ithenda ngomgunyathi ngesikhathi kwakhiwa inkundla yebhola iMbombela Stadium yesamba sika-R1billion ngaphambi kweNdebe yoMhlaba ka-2010.

UMotaung ungaphandle ngebheyili ka-R50 000 kanye nalabo asolwa nabo, okunguHerbert Theledi noChris Grib.

Lowo owabe eyimenenja kaMasipala waseMbombela uJacob Dladla noTebogo Khubeka – owayeyi-technical manager Ehlanzeni District Municipality – nabo basolwa  ngokuba nesandla kulo mkhonyovu.

IMantshi uNaomi Engelbrecht kulindeleke ukuba akhiphe ilanga lokuqulwa kwecala kulandela ukuba abashushisi boMbuso becele ukuba icala lihlehliswe ukuze bonke abasolwa bavele ngosuku olulodwa enkantolo.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter

 


- News24

NEXT ON NEWS24 ISIZULUX
Phawula kulolu daba
1 isiphawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 21-26°C Mostly sunny. Mild. Pta: 17-33°C High level clouds. Pleasantly warm.
Jhb: 18-29°C High level clouds. Pleasantly warm. Bloem: 19-32°C Scattered showers. Morning clouds. Pleasantly warm.
Dbn: 21-28°C Afternoon clouds. Warm. PE: 22-27°C Drizzle. Morning clouds. Warm.
Isibikezelo sezulu sezinsuku ezingu-7...