Singasivikela isicoco - RDS
2013-02-05 12:01
Johannesburg - Umqeqeshi we-Orlando Pirates uRoger de Sa uthi uphoxekile ukuthi iqembu lihlulekile ukusayinisa uRainford Kalaba, nokho uthi akakhathazekile kangako ngoba namanje usanabadlali abahamba phambili.
U-RDS usho kanjena nje iqembu lisanda kulahlekelwa nguBongani Ndulula, ojoyine AmaZulu.
Umqeqeshi uvulele abeKickOff.com isifuba sakhe, echaza ngokwehluleka kweqembu ukuthola lo mgadli waseZambia kanjalo nangokuhamba kukaNdululla.
"Akekho umqeqeshi ongeke aphoxeke uma ephuthwa ngumgadli ofana noKalaba, lokhu kuyenzeka nokho ebholeni. Maningi amaqembu akade emfuna."
"Namanje nginabadlali abasezingeni, angikhathazekile. Singakwazi ukuvikela isicoco sethu siphinde sidlale kahle kweye-CAF Champions League. Ngithokozile ngabadlali bami."
"Siphethe uBenni McCarthy, Collins Mbesuma, Thulasizwe Mbuyane noTakesure
Chinyama, ukubala nje idlanzana."
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).
- News24
