Ligqashukile elikaPalmgren noSuthu
2012-11-26 14:02
Durban - Izinyawo sezigcwale udaka kuRoger Palmgren ongumqeqeshi waMaZulu, kusho iqembu ngoMsombuluko.
UPalmgren usebe ngomunye wabaqeqeshi abahlanganisa uMaarten Stekelenberg (Ajax Cape Town),
Roger Sikhakane noManqoba Mngqithi (bobabili beChippa United), uMuhsin Ertugral
(Golden Arrows), Augusto Palacios (Orlando Pirates) noRoger de Sa
weBidvest Wits, bonke abaxoshwe kuyo le sizini.
Lo mqeqeshi odabuka eSweden uthathe izintambo kusukela ngonyaka owedlule, uSuthu namanje lusemsileni phezu kokuthi seludlale imidlalo engu-12.
“Sihlangane nomqeqeshi ekuseni samazisa ukuthi umsebenzi uphelile. Sibe sesazisa abadlali nalo lonke elinye ithimba ngalokhu okwenzekile," kusho imenenja eqenjini uPeter O'Connor.
Isekela lomqeqeshi uFani Madida nguye ozobamba izintambo okwamanje.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).
- SAPA