Isiphinde yahlangana imihlathi eyazanayo kuPirates
2012-09-20 10:02
Johannesburg - Isikhulu se-Orlando Pirates u-Irvin Khoza usekuqinisekisile ukuqokwa kuka-Eric Tinkler yileli qembu njengomelekeleli kamqeqeshi uRoger de Sa, kubika iKickOff.com.
UTinkler usezophinde asebenzisane noDe Sa, njengoba bebevele besebenza ndawonye kuBidvest Wits.
"Ngingakuqinisekisa impela ukuthi u-Eric uzoba ngumsizi kamqeqeshi. Ngicelwe uDe Sa ekutheni angathanda ukusebenzisana no-Eric.
"Ngibe sengixoxisana noSihlalo weWits uBrian Joffe, nobe esevuma ukudedela u-Eric ukuba azojoyina iPirates. SineWits solokhu sasebenzisana kusuka kudala, kanti ngithanda ukubonga uJoffe ngokungihlonipha esicelweni sami," kusho uKhoza.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- News24