Inyukile iBafana ezibalweni zeFifa
2013-01-17 16:23
Johannesburg - Iqembu lesizwe iBafana Bafana selinyukele kunombolo-85 ngokwezibalo zenhlangano yebhola emhlabeni i-Fifa.
Lokhu kuvela nje sekusele isikhathi esingaphezudlwana kosuku kuqale imidlalo ye-Africa Cup of Nations (Afcon), iNingizimu Afrika izobhekana neCape Verde Islands emdlalweni wayo wokuqala we-Afcon.
IBafana iphinde yanyuka ezibalweni zamaqembu ase-Afrika, yangena kunombolo-22, nokho-ke njengoba iya kule midlalo, iyiqembu eliphansi kakhulu emazweni asemqhudelwaneni.
ICape Verde ingunombolo-70 emhlabeni, iMorocco ibe ngunombolo-74 kuthi i-Angola ibe ngunombolo-78.
Wonke la mazwe eseqoqweni elizobhekana neBafana, emidlalweni yokuhlunga abazoqhubeka nomqhudelwano.
ISpain sisalokhu sizihola phezulu kanti i-Ivory Coast nayo yiyo ephezulu emazweni ase-Africa.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).