ISafa ithi iyamethemba u-Igesund

2013-01-30 16:36

Johannesburg - Inhlangano yebhola iSouth African Football Association ithi inamathemba okuthi umqeqeshi weBafan Bafana uGordon Igesund, uzokwazi ukwenza umsebenzi aqashelwe wona, okungukufikisa iqembu kowandulela owamanqamu we-Africa Cup of Nations.

Lokhu kuyizinkomba zokuthi uphephile umsebenzi ka-Igesund.

IBafana isanda kudlala ngokulingana neMorocco, umdlalo waphela ngo 2-2, kulindeleke ukuthi ngoMgqibelo ibhekane neMali, eMoses Mabhida eThekwini.

Ngesikhathi u-Igesund eqashwa, wanikwa umyalelo wokuthi afikise iqembu kowandulela owamanqamu, aphinde aqinisekise ukuthi liyaphumelela ukungenela umdlalo wendebe yomhlaba ka-2014, eBrazil.

Okhulumela iSafa uDominic Chimhavi akafunanga ukuqinisekisa ngomsebenzi ka-Igesund, phezu kokuthi kusabalale imibiko ethi uphephile umsebenzi wakhe.

"Uhlalelwe wumsebenzi wokuyisa iqembu kumaSemi-Finals e-Afcon aphinde alifikise kowe-2014 World Cup," kusho uChimhavi.

"Uyingxenye yezinhlelo zethu, siyamethemba ukuthi angeke umehlule lo msebenzi."




 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 19-26°C High level clouds. Mild. Pta: 18-28°C Scattered showers. Afternoon clouds. Warm.
Jhb: 15-22°C a few tstorms. Broken clouds. Mild. Bloem: 18-31°C Sunny. Pleasantly warm.
Dbn: 17-28°C Partly cloudy. Warm. PE: 16-25°C Morning clouds. Mild.
Isibikezelo sezulu sezinsuku ezingu-7...