IPirates ibhekwe yisambane
2013-02-27 07:40
Johannesburg - I-Orlando Pirates isigwinye amagoli ayisikhombisa emidlalweni emibili, njengoba iMoroka Swallows ingazibekanga phansi yathatha wonke amaphuzu amathathu ngoLwesibili kusihlwa, kubika iKickOff.com.
Igoli likaSifiso Myeni alifake zisuka amadaka ne-penalty ka-Andile Jali awazange ayisize iBhakabhaka ngemuva kokuthi uKatlego Mashego, Lefa Tsutsulupa noLerato Chabangu
bebusise iZinyoni ngamagoli.
IPirates yemukwe yithuba lokuqhetha esicongweni sePremiership njengoba ihlezi endaweni yesibili ngamaphuzu angu-40, ngemuva kweKaizer Chiefs ehola ngawu-42.
Labo shampeni bebenethemba lokuthi bazokhonya kulo mdlalo ngesikhathi uTakesure Chinyama ethumelela ibhola kuMyeni, nobe eselivalela enethini, lidlula uGreg Etafia.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- News24
