Abadlali bethu abawona amahhashi - Bobby

2013-06-27 10:01

Johannesburg - IKaizer Chiefs isitshele umqeqeshi weBafana Bafana uGordon Igesund ukuthi aye kwenye indawo uma efuna abadlali abazogijima koweCosafa Cup – ngoba ngeke abathole eNaturena.

Uma u-Igesund esememezela isikwati esizomela izwe eZambia, sizobe singenabo abadlali beChiefs nabe-Orlando Pirates, kubika iSowetan.

AmaKhosi asekwenze kwacaca ku-Igesund ukuthi abadlali “abawona amahhashi” njengoba nabo bedinga ukuphumula ngemuva kwesizini yePSL.

"Saba nomhlangano no-Igesund kudala samtshela ukuthi ngeke sibadedele abadlali bethu kweyeCosafa,” kusho imenenja yeChiefs, uBobby "Bobsteak" Motaung.

IPirates nayo inqabe nabadlali bayo ngenxa yokuthi inomdlalo obalulekile weCaf Champions League ne-AC Leopards, ngoJulayi 21, ngemuva kosuku kuqale iCosafa Cup.

Abadlali beChiefs abazobe bengabonwa kuBafana kubalwa u-Itumeleng Khune, Siboniso Gaxa, Mulomowandau Mathoho, Tsepo Masilela, Siphiwe Tshabalala, Bernard Parker noReneilwe Letsholonyane.

Umqeqeshi wePirates uRoger de Sa uthe: "Sihlangane no-Igesund samcacisela ukuthi abadlali bethu ngeke babe khona ngenxa yemidlalo yeCaf Champions League.”



 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- News24

NEXT ON NEWS24 ISIZULUX
Phawula kulolu daba
1 isiphawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 19-24°C More sun than clouds. Mild. Pta: 20-33°C Mostly sunny. Pleasantly warm.
Jhb: 18-27°C High level clouds. Pleasantly warm. Bloem: 18-31°C More sun than clouds. Pleasantly warm.
Dbn: 20-26°C Morning clouds. Mild. PE: 23-28°C High level clouds. Warm.
Isibikezelo sezulu sezinsuku ezingu-7...