'Uzomba eqolo uphethiloli ngo-Ephreli' - AA

2018-03-15 14:03

Johannesburg - Yize amanani kawoyela etshengisa ukuthi azophinde ehle futhi ekupheleni kwenyanga, uphethiloli kanye nokunye kulindeleke ukuba kwenyuke ngenxa yokwenyuka kwama-fuel levies ngo-Ephreli.

Lokhu kushiwo yi-Automobile Association (AA), ebiphawula ngamanani angaqinisekisiwe kaphethiloli akhishwe maphakathi nenyanga, ngokombiko okhishwe yiCentral Energy Fund.

I-AA ithi: "Sizinzile isimo serandi uma liqhathaniswa nedola kusukela kuqale inyanga, njengoba irandi lisehle ngo-2 cents kuphela uma liqhathaniswa nedola.

"Kusona lesi sikhathi esifanayo, amanani kawoyela emhlabeni nawo ehlile."

OLUNYE UDABA: Uyenyuka uphethiloli ngesonto elizayo - UMnyango

Lo soseshini uthi uphethiloli utshengisa izinkomba zokuthi ungase wehle ngemali ebalelwa ku-12 cents ilitha kuthi udizili wona wehle ngo-18 cents ilitha.

Nokho, i-AA ithi yize kuqagulwe ukwehla kukaphethiloli, ukufakwa kuka-52 cents we-levy kuzophoqa ukuthi uphethiloli wenyuke.

"Yize kuqagulwa ukuthi uphethiloli ungase wehle ngo-12 cents ilitha, kodwa uma sekuhlanganiswe konke ungase wenyuke ngo-40 cents ilitha ngenxa yokwenyuka kwama-levy eGeneral Fuel naweRoad Accident Fund njengokwesimemezelo sikaNgqongqoshe uMalusi Gigaba ngesikhathi ethula isabelomali ngoFebhuwari."

Udaba oluphelele lapha.

- Wheels24

Isimo sezulu
Emigwaqweni
iLotto
Cpt: 13-20°C More sun than clouds. Mild. Pta: 10-27°C Sunny. Pleasantly warm.
Jhb: 10-23°C Sunny. Mild. Bloem: 5-23°C Sunny. Mild.
Dbn: 18-27°C Sunny. Warm. PE: 13-21°C Sunny. Mild.
Isibikezelo sezulu sezinsuku ezingu-7...